有時候，真的好疲累好疲累，卻連歇息的空間時間都沒有
小鬼頭根本不懂 give you a break 的道理
你再大聲哀怨沒力氣了，她還是照樣鬼哭神叫。
晚上終可躺在床上，呀不是，是攤在床上
動也動不了時呆想，唉，明天又要循環今日應付小鬼頭的哭鬧
天，甚麼時候才到底? 看起來她只會越來越精力無窮，似乎我只會越來越累呀
當諗緊終點在哪，才醒覺，就只有這兩三年，她會如此需要我，她的世界裏只有我
之後她便開始有自我意識，有朋友有學業有自己私人空間
我們不可能像現在二十四小時黏在一起
原來，她需要我的日子，每天都在遞減
過一天少一天。
嗯，這樣重複勞碌的日子好幸福。
我個仔開頭超難湊，但九個月後就慢慢變輕鬆了。真的，時間很快過的。努力呀。
回覆刪除謝謝你的鼓勵! :) 其實我自知不應抱怨，我囡不算好湊但又絕不算難湊（起碼冇病冇痛夜晚又瞓得好，已經算係咁）只係最近佢日頭唔肯瞓之餘又狂扭眼瞓（囧）有時仲要尖聲叫，唉。好多時沮喪主要係怕自己唔識湊/教得唔好，養成壞習慣，譬如行時間表制試咗兩三個月都唔成功，係夜晚嗰覺算得上定時定候。不過呢，經驗又教訓我學會相信個囡，好多時我擔心d咩到頭來佢會自己變好。所以見招拆招罷啦 :P btw, 好羨慕豬仔成日有得去動物園!
刪除傻啦。留言只是想給你點鼓勵，我覺得抱怨也很正常啊，你估湊仔(女)那麼容易嗎，哈哈。有野講出來是最好既減壓方法。
回覆刪除又覺得，質疑自己也是很正常的，我也會。不用怕做錯，講真，實會有做錯既時候吧﹖我覺得，盡力就好。有時，在一些情況下，好難界定那是好那是不好，只有不停試不同的方法吧。
我個仔有一開始就不肯睡啦。就是很抗拒睡覺，可能覺得沒有得玩囉。而他是毫無睡樣的。但小朋友真的一定要睡得夠，特別是你說其實個女是累的。四、五個月通常還要午睡三、四次的。就算她不肯睡，都不要跟她玩。(不過我那時是揹他才肯睡，然後會哭會掙扎一番才睡的。)
我不太肯定甚麼是「時間制」，但四個月前我個仔的時間是混亂的。但 baby thrive on routines 是真的。儘量每日做相同的野，個baby慢慢就會知道 what to expect，然後會好點安全感，也會合作點的。但，真的不是一時三刻就得。兩、三個月不算長。一切都慢慢來。
抱怨被接受同得到鼓勵的感覺太好（淚）
刪除嗯，主要係有時遇上困難或者疑問嘅時候，又見到其他人分享所謂啱嘅做法，會覺得心虛囉。不過只要經歷完，回望，就好認同你所講冇所謂啱同錯。一係唔得試到得。二係個個細路唔同個性，唔一定唔係主流就等於錯。
係呀，小朋友要睡得夠，而且我囡又眼瞓，所以我每一日都一日幾次花功夫令她入睡呢點令我疲勞。據我觀察，我囡好難入睡嘅原因係佢個人好憫，唔曉平靜落嚟，所以通常我要做嘅就係點樣可以令佢放鬆，然後慢慢瞓著。埋身食奶係絕招，只要佢食完瞓唔到，我就有排搞。頭兩三個月我都係揹住佢行嚟行去，之後佢唔肯，可能熱/束縛/知我目的但唔願瞓。最近新招係落街散步，好有效但有時搭𨋢返屋企遇到人撩醒佢，結果我空手而回又要重新面對佢扭眼瞓 囧
不過係呢排較反覆，我懷疑佢準備出牙仔（有冇咁早呢?）因為口水好大陀咁流。
真係每個細路有自己天生嘅性，我冇諗過有人會討厭瞓覺呢。睇你寫小豬好易醒，你偷偷潛入房佢都知道，好似金庸入面嘅武林高手，哈哈。
我所講嘅時間表制就係你個意思囉。聽到你話兩三個月唔算長好鼓舞，起碼唔駛灰心先。
其實咁細個係未識得自己入睡的，所以需要媽媽幫助。眼訓又訓唔到，梗係憫啦。我覺得你做得好好啦。有時好難話要點做既，試下試，找個work既方法就得囉。我那時係揹著個仔，一邊行一邊唱歌一邊拍一邊搖，就算係咁多數都會哭10-20分鐘才睡著的。
刪除到佢大個D，你覺得佢已經識得自己睡，就可以CIO。（我等到七個月，因為真的不能無限期揹下去，對BB睡眠也不好的。）
我個仔三個幾月就teething，到四個月已經出左牙仔。不過其實好多野都係好反覆的。所以記住，如果有一日特別辛苦，你知道明天就唔會咁辛苦。總有好與壞日子的。
時間表制，我唔係咁中意，但我會跟個pattern，就係每日既routine相同，而時間
由得個B來定。因為有時睡多有時睡少。到好大個先穩定的。好多野其實如果冇乜難度，咩做囉。每日做相同既野，有日BB一定會知的。