入宜家傢俬閒逛
看見兒童小廚房，便放小惡霸下地玩
豈料小惡霸給我大驚喜
創了我印象中她專注一件事情上的程度
她簡單重複 4 個步驟：
打開左邊櫃門 - 拿出小煲X3 - 放進右邊櫃門 - 關門
左右掉轉，重複以上
專心得不得了，連我們叫她，她回頭望的次數不出五次
我們不想也不敢打擾
最後她起碼玩了 20 分鐘
就只重複以上幾個動作
令我們相當驚嘆
應該是某種敏感期吧
不過不知是甚麼方面的
好吧
媽媽有空定再帶小惡霸來玩櫃門！
***
小惡霸在玩的時候
身邊經過的路人好多望過來
老實說那氣氛令人感到些尷尬和壓力
而其實近幾次回香港
我教育的方式好像令小惡霸看在別人眼裡像野女一樣
不過假如我們決定讓小惡霸在香港讀書的話
相信這只是一個小開始
給我學習近著別人不認同的目光/意見下
平靜地繼續我本來要做的事
註：「野女」此比喻，靈感來自友婉形容她仔做乞兒仔
***
其實之前看雲小姐 這一篇 已被毒到
打算小惡霸 2 歲生日時買 Hape 小廚房送給她
畢竟住在廣州呀～ 有放置這種大玩具的空間 :P
現在要想想是否該提前買了
而且 Ikea 這套應該便宜許多吧（忘了看價錢）
但 Hape 的又好漂亮!!
易地而處假若我細個收到這種禮物，一定開心爆呀! 哈哈哈
點解會係野女呀？如果係我都會俾個女玩呀。不過我慶幸個女係英國大無咁大壓力，返nursery只係玩玩玩，等佢多啲自由發揮。不過香港人見我個女自己食飯會俾有幾messy嚇到囉
回覆刪除係呀就係類似咁囉
刪除遇見過的香港父母（無論識唔識）感覺上都比較嚴格，同規矩要求較高，好多時都聽到唔准呢樣嗰樣。但又的確，會令人覺得識教d，小朋友有教養d
但係我呢，喺許可嘅環境下會俾佢自由發揮，好多時要㩒住自己唔好干涉佢
再加上小惡霸把聲的確大，個人又粗魯，又黑，哈哈哈，所以我咪覺得似野女咁囉
至於感受到壓力，都可能係我錯覺嘅 :P
嘩你女女都自己食飯喇，好叻！
其實個人覺得咁細個唔太需要學守規則，佢哋大啲返學先慢慢學。最怕人仔細細樣樣都因為父母唔俾咩咩都唔敢試。你哋係宜家玩有大人睇住，如果咁安全既環境下都唔可以試下玩下都好慘喎。
回覆刪除我哋呢邊興baby-led weaning，所以佢細細個就自己食。佢仲未識用匙叉，大部分時間都係用手食，天一半地一半，我估係香港都會俾人白眼！
係呀，呢方面我幾慶幸喺廣州生活
刪除始終幼兒時期其實需要大空間d 俾佢冇拘束去活動
講起食飯，之前農曆新年我買咗張便攜bb餐椅，即係只要有普通椅背就可以套上去，變成個「兜」俾bb坐入去嘅seat，諗住出街飯局唔怕冇high chair，結果喺廣州次次帶咗都冇用，反而喺香港，我勢估唔到我次次諗住唔駛帶，最後竟然冇baby chair提供！
我諗，香港節奏太快同空間太少，所以並唔baby-friendly
之前小惡霸好似你女女咁大時又係一定用手食嘢-ga，唯有出街就準備d容易抓嘅食物（所以一定唔係粥同飯嗰類）但有次跌好多碎喺地下，俾服務員白眼 囧，本身我都唔好意思搞到人要幫手執拾，但結果其實掃兩掃就得（因為係d乾爽嘅食物）所以我都有d頂唔順 --- 駛唔駛咁嘅樣俾人受吖
上次我哋返香港覺得啲人俾我想像中friendly, 係地鐵都好多人瞭bb玩，有一次我抱住佢都有人讓座(鬼婆！), 都有人offer 幫手拎bb車上落樓梯。不過佢個時仲細，餐廳就唔一定用bb 椅，但我完全想像到啲地方咁逼放唔落bb 椅！我估你係廣州地方大啲一定舒服好多！英國都幾bb friendly 架，快啲黎體會下！ :)
刪除:D
刪除