執屎

最近小惡霸好想玩水
經常靜雞雞拎自己個水杯去自己小廚房倒來玩

被我發現話過她幾次後
她依然猴著機會，悄悄地倒
但倒完後又自己找條抹手布抺乾
既以此圖我不發現
而且她最鐘意抹抹抹，又多一種玩法
好搞笑好可愛

於是乎
趁呢幾日天氣暖
一於放缸水給佢玩過飽

點！知！
最恐怖的事情發生了。


這晚
一邊放水，小惡霸一邊玩著
突然聽到佢嚷嚷：

「屎屎～ 屎屎～」

我心知不妙，馬上衝過去
看見到佢站著，而兩條屎和她的玩具則在旁邊 飄 來 飄 去

((( 囧囧囧囧囧囧 )))

沒多餘時間讓我遲疑
馬上關水喉、放水、用紙巾執屎、洗玩具、洗佢屁股、噴消毒劑、又重新放水

然後
小惡霸又重新玩，猶如一切冇發生過的樣子


只能說
做人阿媽，遇到再核突嘅事都要頂硬上。