祐．三歲

想當年，祐言肉騰騰，又乖巧又易湊，但一出世就要連打一星期抗生素，楚楚可憐，好需要被保護嘅樣，言爸給她取名”祐”，真係好襯佢。

點知呢越大越「走樣」

聲大大，喊起嚟更係擘大喉嚨。有時固執又有強迫症，扭起計嚟唔肯屈服嘅程度令人嬲爆又無奈。不過佢活潑，獨立，很細心，而且特別有喜感，不是起眼的一個但假如留意佢嘅話會被佢嘅動靜引得發笑。

常常感受到佢嘅幸福，每次俾邊個鬧，佢就會叫喊另外兩個人。譬如媽媽鬧，佢就嗌爸爸家姐幫拖。如此類推。好希望佢會一直維持呢份一家人嘅親密感。

非常不知不覺地，3歲

希望你會越來越懂事，但同時會繼續做自己。希望你唔好再成日撞親個頭。希望你快高長大，食多d 嘢長多d 肉長多d 高。希望你健康、平安、喜樂。

祝你生日快樂❣️