Home Sweet Home

很觸動心靈的一本 簡短的文字，卻非常具有力量。 細個學和平呢個詞語 既顯淺，亦理所當然 直到去年，先真正明白當消逝咗我哋就再也追唔返嚟。 「和平是，我可以來到這個世界上真好。你可以來到這個世界上真好。這樣你和我就可以成為朋友。」 #給大人看的繪本  #年度好書 #和平是什麼

趁著留家防疫，做了大工程 譬如為滿三歲的祐戒片 大概祐已經足夠大個，足夠 ready 所以花幾日時間提她去 potty，她就習慣了，搞掂 方法還是以前用在立身上的 > potty 放在她能隨時隨地自行上廁所的地方 > Elsa 底褲仔的吸引力 當小朋友在 potty 上成功如廁幾次後 他們就掌握到那種自控的感覺 而祐呢 期間出現過三幾次 accident 有的因為她一時忘記自己沒穿著片片 有的因為她顧著玩，最後忍不住瀨了 千萬記住『唔好鬧』的原則 祐掛住玩而忍著便意不上廁所結果瀨尿那一次 因為「我覺得是她做錯」而教訓了她幾句 結果她之後好幾天堅持著返片，唔肯除，Frozen 底褲仔都不再有吸引力 事後我花上倍數的口水和精神去氹她鼓勵她，她才肯願意除片，重新嘗試 在成功戒掉日片後大約一兩個月 祐自動戒埋夜片，跟家姐一模一樣！ 而且幾乎沒出現過 acident 即使前一晚她在客廳睡著了沒來得及上廁所，依然成功過渡到第二天早上 真是太厲害！ 媽媽最開心的當然是慳一筆買片的錢 XD 另一方面，立和祐的經驗告訴我 戒片算是一個 BB時期的一個里程碑 當他們學會自控排泄的能力 他們馬上長大成一個小朋友，完全脫掉 BB 的味道 是一個非常明顯的差別 *** 圖：他們的新畫板 來自 3M 的貼紙，黏上牆壁後就好似白板咁用 滿足小朋友畫牆的慾望 XD 之前他們用的是宜家的兒童黑板白板(兩用) 很好用，小隧們都很喜歡 不過為少一件傢俬得一件傢俬，多些空間走動，就二手賣走了      

祐特別喜歡超人、恐龍 甚麼超人時王、超人X，家裡還有超人雜誌讓她鑽研 最近言爸送她小禮物 她選了呢隻怪獸，我呆了.. 真的，好醜 XD 以為是她以前丟失過兩隻超人公仔受到打擊 但應該唔係，她是真心喜歡呢隻怪獸 😜😜😜    

另一篇提醒了我好多的分享 (click) 呢一篇，令我回想起以前只有立一個小孩的日子 那時候真的有很充裕的時間和耐性去陪伴她 曾經有一次在公園 一位遇過數次的媽媽走過來問我 「你有咩方法令個女咁乖，次次去公園你話夠鐘要走佢就立即跟你走，完全唔會扭計嘅？！」 當下我有點愕然 的確在我的經驗裡，玩完公園就返屋企是很平常的事，從未遇過立唔開心唔肯走 我自己反思一輪後 第一次意識到“直到他夠為止”的重要性和好處 從立會走路開始，幾乎每一日我都會和她去玩 不是室內的 playhouse, 就是戶外的公園 除非颱風雷暴，否則一般下雨天也阻擋不到我們的步伐 XD 每次遇上她感興趣的 我都會停下來隨她摸索到夠 那時候呀，真是大把大把時間的好日子 我諗，正是因為大多數時候立的需要有被滿足 所以不太用扭計來爭取甚麼 大家就如好拍檔一樣齊上齊落 :) *** 可是，重覆，但又日益繁重的育兒生活 磨蝕了媽媽的熱情和耐性 令人漸漸忘記了這些明明正確的育兒方向 惟有靠自身和同伴不斷提醒和鞭策，莫失莫忘 *** P.S. 連續兩日讀到對自己有幫助的文章 又跟 blog 友雲小姐傾談了許多 感覺自己猶如餵飽了精神食糧，狀態非常地好 對待小朋友，如自己期望的耐性、接納和包容 很開心，跟自己說，要加油讓它成為常態啊！     

在小朋友幼兒時期教導他們認識情緒 開心、難過、緊張、憂慮、驚怕 隨著他們長大 上學，有自己的社交圈子 家中有兄弟姊妹，無日無之的爭執吵鬧 他們遇上事情的感受越來越多，越來越複雜 但我當媽媽的，反而越來越少耐性協助/教導他們疏導 Picture’s from POPA Channel 這個 video 前後看過數次 是日因緣際會又再重溫，讀到圖中呢一段 發現自己依然未做得來，去控制自己情緒 咁，又如何身教呢？ 跟自己做約定 要真正沉澱下來，思考一下，看看書 讓自己學會接納身邊所有人的感受，同理他們的心情 最重要的是 要讓小朋友有空間，在自由地表達和發洩自己的情緒的時候，媽媽依然愛他們    

想當年，祐言肉騰騰，又乖巧又易湊，但一出世就要連打一星期抗生素，楚楚可憐，好需要被保護嘅樣，言爸給她取名 ” 祐 ” ，真係好襯佢。 點知呢越大越「走樣」 聲大大，喊起嚟更係擘大喉嚨。有時固執又有強迫症，扭起計嚟唔肯屈服嘅程度令人嬲爆又無奈。不過佢活潑，獨立，很細心，而且特別有喜感，不是起眼的一個但假如留意佢嘅話會被佢嘅動靜引得發笑。 常常感受到佢嘅幸福，每次俾邊個鬧，佢就會叫喊另外兩個人。譬如媽媽鬧，佢就嗌爸爸家姐幫拖。如此類推。好希望佢會一直維持呢份一家人嘅親密感。 非常不知不覺地， 3 歲 希望你會越來越懂事，但同時會繼續做自己。希望你唔好再成日撞親個頭。希望你快高長大，食多 d  嘢長多 d  肉長多 d  高。希望你健康、平安、喜樂。 祝你生日快樂 ❣️     

大半個月來，受社會事件影響，很難過。 總算呢幾日心情輕鬆返些少，可以報一下喜 ;) 長話短說，就是我們家再添一名新成員🐣 以下，係我想記低，但又整理好耐都亂七八糟嘅文筆。 11月18日是個難忘的日子。 那日中午，同阿仔順利出院。 雖然剛好在踏出醫院的幾分鐘前加士居道發射催淚煙，連鼻毛都冇條嘅新生兒唔知吸咗幾多毒氣。但最後我們平安順利地返到家中，萬幸。 那日上午，立言小一自行派位放榜，竟然中咗。 其實，真係好好彩。其實，真係好值得開心到喊出嚟。 那日凌晨，在QE產後房裡，聽著外面偶爾傳來的砰砰砰聲，邊無間斷餵奶，邊追蹤著fb上的updates，但一直看不見理大情況現曙光的消息，心裡面好擔心、好難過。 生仔真係好痛好痛 養大個細路真係要好多心血好多耐性 所以面對呢個不仁不義嘅政府，見到別人嘅仔女咁樣揮灑佢哋嘅血和淚，點可能唔悲憤莫名。 面對小朋友出生，心裡面總係簡單祈願佢哋健康和快樂。 現在會加多些少，期望佢哋長大成堅強、正直嘅人，而且心裡面時刻懷有希望，不要失去信念，不要失掉愛。