《 1 歲 - 1 歲 2 個月 》
小惡霸一直是個固體吃得好差的麻煩友
水又喝得少，每日不知有否喝 10ml
然後一天，發現她竟然喝湯！
看著她最厲害時可喝光一碗大人碗，真的好意外
於是決定勤力點煲湯，幫補她多少營養，最起碼補充她好多水份
南瓜豆腐滾魚湯
在親子論壇學來的
看見滾湯，好適合呀
洗乾淨材料，剪好魚，滾30分鐘即可
家裏用的不黏鑊很好
煎魚用的油並不會令湯浮好多油
之後回娘家用的不銹鋼鑊煲魚湯，面頭浮起一層油，湯的口感馬上變差
另，是次煲湯有一烏龍事
直到我洗切材料時，越切越感到不對路
最終確認了 ---
我買錯木瓜當南瓜了（囧）
幸好還是合得來
雖然湯帶點甜味有些怪 XD
粉葛豬𦟌粟米湯
粉葛比較常見煲鯪魚
不過我懶煎魚弄魚湯了，看見 fb 朋友煲粟米
那麼容易，當然馬上照抄！
粉葛和豬𦟌比較沒味道
所以此湯煲出來很重粟米香味
很清甜，而且小惡霸可以順便吃粟米湯渣 ;)
老黃瓜紅蘿蔔粟米豬𦟌眉豆湯
身在香港時煲的
香港街市有一包包湯料售賣
比較方便家中人口較少，湯料份量不需太多的家庭
而且連切的功夫也省卻，直接洗乾淨就可放進煲裏
譬如此包，40蚊，其實我覺得貴
湯包裏的粟米和紅蘿蔔少得以「一片一片」作單位
最後小惡霸把「三片」粟米刨光了
是第一次發現她可像刨西瓜一樣自行刨粟米呢（之前我們會弄成粟米粒給她）
小惡霸只有 4 隻牙仔，它們好忙好賣力！哈哈哈
下一次應該還是買完整的材料，不買湯包了～
***
有時候隔太久沒去街市，煲不成湯
便以最簡易的瘦肉水代替
攪碎瘦肉、拍薑片，滾20分鐘即可
快捷好喝又營養～
不過我懶洗多一件機器，所以較喜歡用刀剁瘦肉，不用攪拌機 =P
我家小朋友又係唔多飲水。次次換隻新杯就新鮮用幾日又打回原形。前排出牙一曰痾七次時試過加果汁都冇乜分別，有試過煲湯係飲，不過唔知咩啱小朋友飲同買唔到料少煲，惟有俾多啲生果佢食。我們現在係德國天氣熱佢都有飲多少少，我哋已經係去到用sport cap水瓶。不過都有少少唔肯，又要轉杯仔😩
回覆刪除你比我好很多呀，之前我一直唔理佢，直到最近換飲管杯（隻杯仲要係朋友送）見小惡霸飲多咗勁多水，先意識到佢一直用鴨嘴杯應該啜得太辛苦 XD
刪除但咁樣你隨身行李咪勁多杯囉?! 哈哈哈哈
同埋呢排成日見新聞播德國熱浪呢，你哋有冇好辛苦？
而湯呢，只要唔會油膩應該就ok，一歲打後大部分嘢都食得，會發現分別好大好方便!! 不過外國可能真係少嘢揀d
本身我俾佢拒絕飲水到真係唔理佢（被拒太多會火火哋）不過試過卅幾度天氣佢成個下晝條片冇乜點濕，仲試過中暑發燒，真係令人頭痛。之後決定將水杯放固定位置，係佢又見到知道，又可以佢自己隨手拎起，即刻好好多，見佢時不時自己拎起飲。而家用水管杯佢d片重咗好多，係平時overnight先會有嘅重量！即係之前真係太唔夠水 囧
德國真係好熱，最慘係無冷氣無風扇。BB近日係只著尿片瞓覺，有時起身都成頭汗。我哋帶咗兩隻杯，同係超級市場買有Sport cap既樽裝水，不過都係要多買水果俾佢食，好彩佢鍾意食，同而家啲士多啤梨車厘子西瓜啱季節。
刪除香港重有排熱，小霸王肯飲多少少都好，唔係真係頭都大。養小朋友真係要闖關重重！
聽見你講起d生果都流口水
刪除我哋長期生活喺廣州的，呢邊d水果真係麻麻哋（亦可能係我出於偏見 :P）
我哋上次返香港買都買到啲唔靚，不過可能我哋唔識買，媽咪買啲西瓜芒果就靚。夏天呢度啲本地生果真係好正，係德國老爺奶奶知個孫鍾意食車厘子，就係自己花園特登擇俾個孫食，食得好開心！不過我哋要買靚芒果就難同貴啦。
刪除