說了 N 年，這班友仔的廣州之旅終於成行
事前當然期待啦
可惜埋門一腳小惡霸竟然發燒了！
苦心照料她一整天，大伙兒到達時見她精神不俗，便一起走一點行程 :P
第一次遊廣州的話，基本上行程表都很容易安排，很好玩
當年友清和友林第一趟來探我，玩得可開心呢！
不過第二次就.. 悶了 XD
1st Stop
我家對面的吳財記麵店
老實說味道普通而已
但這家店很紅，經常上電視、雜誌訪問
店的牆上張貼許多名人光顧的照片（譬如麥玲玲，哈哈）
連廣州市的維穩廣告（即廣州是我家那類）它都有份拍攝
勁呀呢～
最重要是，就在我家對面
不吃白不吃 =P
餘病未了的小惡霸很扭計和痴身
真是好可憐!（泣）
街巷中合照
2nd Stop
我屋企
是參觀勝地呀
大家「遊」得樂而忘返 XD
3rd Stop
藥材批發市場
廣州是個批發集中地
布匹、婚紗、精品，甚至是野味 (以前) (囧)
基本上你說得出的種類都有批發市場，廣東省內外都會過來批貨
而友J 和 mwai 之前來廣州 (click) 玩時我帶過她們去買杞子、圓肉等養生藥材
從此她們便愛上了～ 哈哈
這次更「導」了其餘眾人，聽聞這些人事前還嚷著自己沒東西要買呢
結果，大家都收穫甚豐，哈哈哈
4th Stop
必到景點 - 上下九步行街
以及必影街照 XD
5th Stop
在廣州我最喜愛的地方 - 恩寧路
大家都聽說過西關吧?!
這條街算是保存得最好，老西關特色
八和會館也在此街當中
當然，西關風情不止於此
但時代遇上不會保育的政府，還能怎麼樣？（攤手）
然後第一天我的陪伴結束
她們自己繽紛去～（花）
揹著小惡霸真是非常熱，還走了那麼多路
我真是個好朋友呢，呵呵呵
第二天
時間不多，只待在沙面
先去喝茶～
這班人，一早去了吃腸粉作早餐，遊了一個景點再過來
真是旅行達人，行動力和食量都強呀 :P
Btw 廣州的布拉腸很有名的，必食！
平時我就這樣單手抱女，另一隻手做事了
很強是不是 XD
大合照！
沙面的建築群由當年列強入港口經商開始聚集
一直保存下來
這兒的歐式風格是真正的歷史，保育得非常完整
原諒我強調真正的歷史遺留
因為祖國現在很富強，隨便可以起條荷蘭村
問題是人為的和歷史的分別，實在太明顯，兩者的質感根本 不! 能! 比！
今天小惡霸的精神好多了
但沒撐多久又開始耍性子，看來餘病依舊未消
眾人非常小心體貼地服侍這位惡霸（!!）
一個推車、一個拿芭蕉扇、一個撐傘
看呀：：：
場面非常架勢！
哈哈哈，我要好好保存這張照片 XD
簡單的兩日一夜廣州之旅
她們玩得好開心～（我估）
***
雖然感嘆太多次會顯得矯情造作
但剛巧遇上點事，令我覺得
自己擁有一班沒有比較沒有計算，真真心心的朋友
實在幸運。
對於媽媽帶著BB出街整天我真的覺得好勁。我真係做唔到。
回覆刪除如果BB開始識行，我就儘量不抱了。哈哈。開始當然會不肯，但我會不停不停試囉。成日抱真係會手斷囉。（唔好話成日，抱幾分鐘我就吃不消。）
（但其實我好有興趣知點解你肯搬去廣州囉！！愛情既偉大？！）
我喺個女滿月已經一個人帶佢去行街喇，因為我真係個無法困喺屋企太耐嘅人，其實慣咗就冇咩，初生期就揹出街，咁上下就揾育嬰室，到而家大咗，仲方便，揾到個空地俾佢走下放下電，跟住佢多數好合作。而喺廣州呢，就冇乜去街囉，只係落樓下商場同公園，我都有想像過假如自己有車會點，結論係一來唔敢喺廣州揸，二來都冇咩地方有興趣行haha
刪除係呀，我都係個可以坐就唔會企嘅人!! 所以一直俾佢坐bb車，好扭時會抱下，一陣又放返上車，唔會抱太耐囉咁攰。呢次係佢仲未燒完，病緊所以特別痴人，唯有揹住佢，真係勁熱勁痴笠笠（囧）
至於搬去廣州，雲小姐你搞到我要打一大篇嘢！（笑）
其實我識我老公之前因為有個機會，於是去咗廣州工作。講真嗰段時期學咗好多嘢、開咗好多眼界，打破咗我以為係嘅框框，做咗好多我估唔到自己做到嘅事。所以真係好慶幸北上，喺香港，話就話比較有國際視野，但唔知點解，每個人都係倒模咁，無論係思想、生活等，出走咗先知其實可以有好多條路，好多唔同嘅選擇。不過而家諗返都唔知當時點過，二三線嘅地方，上網又唔方便，好似與外界隔絕咗咁，但當時好充實。
之後識咗我老公，到結婚其實冇太考慮要長駐廣州嘅問題，因為都有共識遲早有一日我哋會去香港定居。雖然去到現在嘅事局，香港嘅分別都不大了。老實講，開頭真係一d 都唔順利，直頭係黑暗歲月咁，對生活甚至同埋自我都迷失咗，慶幸最後沉澱完，有所成長，冇耐之後有埋bb，更加決心要做好自己。所以你問係咪愛情魔力呢，我都唔知，不過我喺度生活咗幾年，係冇乜呢度嘅朋友ga! 普通閒聊嘅朋友有，但可以真正傾得埋嗰種呢，係冇嘅，始終兩地嘅思想、價值觀太唔同，根本唔啱傾。但朋友都交唔到嘅情況下我又竟然會遇到我老公，真係緣份嚟ga，哈哈哈。
哈哈，謝謝你既詳盡解答！！不過又真係，香港而家都好恐怖。
刪除我都會每日帶亞仔出去，但通常個半鐘就返屋企食 lunch 然後就唔會出囉。我個仔出到出唔多郁架，係屋企就鬼咁生猛，唔停架。屋企同出街好似兩個人咁。如果問佢要唔要出街，佢會話唔要。天生宅男呀。（咁媽媽都好宅的所以perfect啦。）