《 1 歲 3 個月 》
前提1
小惡霸一直吃固體吃得很差，尤其討厭粥
為免動氣/擔憂等等負面情緒，我抱放任態度，催眠自己船到橋頭自然直
結果在關西之旅，她嚐過飯團之後，開始吃米飯了！
雖然量不多，但我已經好開心，相信會越來越好!!
前提2
在小惡霸六、七個月大，還未有牙仔
已給她拿著一片蘋果自己吃，她吃得好開心好專心
因為她固體吃得差，而且特別討厭用匙羹餵！
每次吃一兩匙就推開，耍手擰頭怎也不肯再吃
試過換另一款匙羹，作用不大
但她喜歡自己用手拿起食物
彼時她還小，吃的食物多半是半流質，可以拿上手的不多
最終結果只有一個 - 杯盤狼藉，滿頭滿身都是被粥、糊仔、菜
吃進口的卻沒多少，很快她就用手揑呀揉呀專研質感
我儘量容忍她，始終她處於手口部敏感期
小朋友是頑劣地玩弄食物還是出於本能，其實很容易分辨
會給她些許時間，夠鐘再不吃就收走
還有非常喜歡咬叉子和匙羹，最後發現因此他們彼此很熟悉
***
每個小細節加起來
最近，小惡霸正式學起自己吃飯來
看她努力嘗試協調手眼口的樣子，真的好厲害呀！
更想說的是
之前每一個小小敏感期都很有幫助，很重要
譬如她手揑食物去認識它們質感
現在就沒那麼好奇，不會去玩弄食物
還有就是
育兒資訊總是告訴你要放任小孩子自己去吃
不要害怕弄骯髒地方或是他吃得慢、吃得少
理論上很認同
但依然有幾次被小惡霸弄得我快要抓狂（囧）
要極力約束自己不要生氣
尤其是隔一段時間後再回望
便發現小孩子真的好努力學習和進步
他們當下令大人以為是「曳」的行為，其實不是
看著自己孩子一點一點自立，真是好神奇 ;)
碗中是 P 煮的菜飯
超 好 吃！
你肯俾佢用手食好好呀，香港好多人怕污糟唔會俾小朋友用手。其實我覺得用手食係好重要，特別係用手去發掘下食物既質地，係學食飯既一個重要步驟。我個女無乜食過粥，一路都係飯，我做細細粒飯糰佢自己食，食完都會messy, 不過見佢學得到少少功夫唔緊要囉。
回覆刪除你好叻呀識整飯團!! 早兩日我同朋友傾開，佢又係話其實飯團好易整，又係好多細路都鐘意食，睇嚟我要好好鑽研下先得。
刪除我囡又係唔肯食粥ga，應該話冇乜肯食tim ar，最多都係食幾羹就耍手擰頭，雖然話唔好逼佢但好多次真係好憫。呢兩個月肯食飯之後胃口好似開咗咁，真係好開心！而且隨之佢個身軀"長大"咗好多 :D
我喺廣州都見識唔少餵飯奇聞ga，最多見過就係追住個細路嚟餵飯，試過唔少次我搭lift時見到有大人拎住碗飯，原來係帶落去公園同個細路邊玩邊食。又試過喺playhouse個沙池到有媽媽餵飯，個小朋友望落去兩三歲左右但隻碗入面喺糊狀物體，我㩒住自己唔好多事，一來有乜理由沙池入面食飯，二來想八卦佢係咪多數食呢d質地，知唔知會影響口肌發育影響咬字講嘢。
飯糰其實唔難，只要用保鮮紙包住造就唔痴手，小朋友食要求唔高，唔駛好靚都得。我做波仔一粒粒，我個女有時一啖一粒，食五六粒大概1/4碗，份量唔算太多，不過佢自己知飽唔飽，無得逼。佢食意粉會食十幾粒左右。
刪除小朋友肯食真係好感恩同開心，佢現在肯食，你就黎又要買新衫俾小惡霸啦！
你講個啲例子咪就係愛你變成害你囉。佢哋無返學仲可以追住餵，到返學都唔識食點算？我個女啱啱開始返nursery (泣), 佢可以自己食好好唔晒等人餵，要餵個啲食一啖就要等，因為一人餵幾個小朋友。我上星期去接佢，佢食完自己啲snack食埋隔離小朋友個啲-__-!
係喎你囡囡係9月壽星！Happy birthday little girl!!!
刪除我每次聽你講你囡都覺得佢好叻呀，啱啱先開始返nursery就可以自己食嘢，仲食埋人哋嗰d，即係適應得好好啦，真係好叻，1歲ja wor。同埋證明佢安全感好夠，之前你花過嘅心機好受用！
講起買衫，英國隻牌子Next呢一季聖誕款好可愛呀！！不過可能隻牌子做起咗（大陸好多人曉代購呢隻牌子）佢加咗唔少價，以前勁抵ga ma
其實佢十月中先一歲，不過多謝定先！
刪除佢返nursery 有喊㗎，今個星期好啲，爸爸放底佢後喊幾分鐘，我去接佢，佢見我即喊。食飯呢樣我估係好彩佢鍾意食，同埋我哋一開始有俾佢自己試食。係香港難啲，因為中國人由粥仔開始，如果我哋住係香港應該會俾人哦到一樣由粥開始，不過我哋係英國無王管就多啲自由度試唔同辦法。
其實next 啲衫後靚，不過太多選擇我次次都決定唔到就咩都無買，哈哈！我都多買減價gap, 不過gap size 略細。現在返nursery 我係買本地超級市場牌子，平，可以多買同污糟都唔心痛！上星期先唔見左只襪！！！