太陽的後裔

近期很紅的一套韓劇

嗯，我冇特別迷上

〔雖然呢兩星期翻煲了幾次〕

〔看見別人近日遊韓的照片，很多由這套劇延伸出來的話題，譬如服裝批發寄貨也有柳大尉的嘜頭＋劇中相關的搞笑對白，我 第 一 次，諗，不如去韓國玩下咯〕

〔第一集柳大尉「一拍一接」宋慧喬部手提電話，咳，係幾型嘅。咁啱睇到呢度時 P 喺我隔離，於是我即刻回帶叫佢睇，再問佢要唔要試下同我玩睇下接唔接到。當然，最後佢冇理我，同埋叫我唔好睇咁多，會壞腦。(!!!)〕

但我的確唔覺得自己好迷的（自欺者一號）

雖然套劇有太多不合理及犯駁位
〔尤其是第 14 集⋯⋯ 已經連白眼也懶得翻了〕

不過異國、軍人、戰爭、災難的題材，成本如此高昂
而且劇集的主線始終圍繞愛情
所以我覺得，睜一隻眼閉一隻眼，沒所謂啦～ (???)

假若想看相關題材又劇力萬鈞的話
看回《雷霆傘兵》好了，真是超級好看！

〔寫到咁樣，此女依然要堅稱自己不迷，嗎?!!〕

說真的我甚少看韓劇 (信我，堅的!)
這一部竟讓我比較少飛劇情地由頭看到尾
它的進展算爽快，比較少扭妮地方，不拐彎抹角
另外我欣賞它敘事手法，有時一段情節它分兩段敘述
如此剪接，唔會好似平鋪直敘咁悶，同埋可以掩飾一下其實佢劇情唔係好豐富嘅不足


最重要係，畫面拍得好靚！

呢一點係彌補套劇的缺陷嘅強烈支柱

還有一個最重要地方 (?)
演員嘅對白同演繹，好搞笑，好可愛

柳大尉就唔駛講，佢d 節奏好好
從來冇發現原來韓文可以咁押韻同做排比句，咁樣好好聽、效果更好

宋慧喬嘅演技冇得彈！富幽默感，喊戲又好堅！

唔止男女主角，連配角們都一樣咁有睇頭
大結局嗰集接二連三笑到我標眼水！

難得唔係又講四角戀，仲要男二女二主角嗰段情都好好睇
男二超搞笑，女二好靚女
佢哋呢一對比起主角嗰一段毫不遜色

而不免俗嘅呷醋情節，又係超好笑！


仲有仲有，插曲好好聽好浪漫
Whenever, wherever, you are～（心心心）

所以，大家得閒嘅話播嚟睇下啦

團 結！