之前看見媽媽朋友分享這雙無印良品雨靴
被毒，好鐘意好鐘意
打算往日本旅行時買的
結果旅程因事延期
於是乎我忍不住，挾著小惡霸生辰之故，下手了～
--- 就小惡霸目前的年紀，選東西給她說穿了就是滿足我自已喜好罷了 :P （!!!）
其實我一邊付錢一邊也有肉赤感
--- 特地買一雙鞋只為踩水，好像奢侈了點.. 畢竟頂多合穿一年，一年當中又不知多少雨天......
不過近一個月來都是天陰陰的，時不時下雨
說起來我應該再早一點買才對，早買早享受嘛！XD
〔講開又講，聽天氣報告說，剛過去的冬天的降雨量，比往年平均值高出許多倍！本該乾燥的冬季竟變成多雨，唉，反常的天氣。〕
第二天馬上啓用！
剛才還是新簇簇的新鞋子
極速地變髒，滿佈泥濘
不過小惡霸很快便摸熟"玩法" --- 踩完泥氹踩水氹，才再踩泥氹
哈哈哈
她本來應該沒有泥氹和水氹的概念
只是泥濘沾滿水靴，跑去另一邊水氹， 再低頭望，泥沙竟不見了
無形中使她發現兩者有分別 ;)
最後在水池中跌倒
變落湯雞 lol
好靚喎，水鞋呢道個個小朋友都有，你想多啲用同個女黎玩啦！哈哈！
回覆刪除係呀！鐘意佢夠簡單，先童真 :P 另一款係淺粉紅，好特別㗎！
刪除咦我都想嚟玩囉，羨慕死人！我見英國牌子童裝有好多係防水防風好似厚身雨衣嘅褸好鬼靚囉。終有成功嚟到玩嘅一日！
係呀，啲褸真係好靚，毒吓你先，jojo maman bebe, joules, hatley 同polarn o pyret 係我最鍾意，我哋日日著，買好啲都ok. 你去日本大把你買！
刪除問題係香港廣州d鬼天氣！潮濕又痴立立。唔好話你講呢d漁夫褸，連薄風褸都小機會著，我前排仲心痛緊買咗嘅薄長袖衫著得太少日子，一日就可以突然間由著外套變做著短袖，我諗好快就著背心短褲喇 > <! 所以去日本玩另一個開心地方係感受不一樣嘅初夏，雖然大太陽有時都熱，但好乾爽好舒服，太陽一落山又有微風，真係正到暈。
刪除不過都去睇下你講嘅牌子先，嘿嘿，早兩日有睇過下mini boden，大陸幾興下，好多呢隻牌子代購，但我一睇官網，唔平囉，而且仲要運費，就算我用集運都貴貴哋。所以買next最多，買得$250-已經免運費直寄香港。
我有睇過mini boden 不過無買過，我朋友話唔襟洗，我就嚴貴，我通常買減價貨。
刪除你就有得去日本玩真正！！玩開心啲。
我好中意 mini boden 啊！不過唔捨得買⋯⋯ 哈哈！六折都嫌貴！
回覆刪除係啦田園風，色彩又好靚！！
刪除我個係囡都嫌貴，你個係仔就更加啦，哈哈哈
我個仔話好想要黃色boots啊！我想知呢對幾錢同重唔重？我覺得好多都好重！我睇中左Crocs既，之前見過減得好平但冇買到，而家要$30美元好貴啊～～
回覆刪除呢對係 不 可 置 信 地 輕！！同埋我本身預咗水鞋係焗腳，但呢對嘅膠算薄同埋令人感覺舒適，最怕"啜"腳嘅膠鞋嘛。仲有佢頂個拉索真係幫到唔入水囉。而且著上身真係好童真好靚仔！不過係幾貴的，剛巡鋪 (!) 香港無印賣$280- 於是我都要回一回氣先再買雨衣 lol
刪除你嗰邊少落雨嘅話無謂投資咁大啦
我對Crocs有偏見，覺得佢太笨重，所以會注意唔俾個囡發現呢隻牌子有出到Frozen系列 =.="
另外我又睇見日本雜牌嘅水靴，都輕喎，比無印平一大截，我晏d影相你睇，有動物圖案的！