小帥哥～❤️
***
光陰似箭
除了半歲和一歲半，之後應該不會把她的半歲掛在心上了
***
去健康院打針和做發展評估
一直最擔心小惡霸的體重跌出生長線
今次從生長線最底端上浮一點了！
我們已經好開心好滿足
不需要女兒多出色，她平安健康已足夠 ;)
其餘的發展評估
包括疊高積木、日常生活工具的應用、指出眼耳口鼻，諸如此類
基本沒問題
唯獨是小惡霸會說的單字不多
需要2歲回去再跟進評估她的語言發展
不過我不太覺得那個是問題
只是不禁莞爾，一年前小惡霸半歲那天又是上健康院打針+評估
當時終日飽受女兒鬼叫聲所折磨的我
忍不住抓著姑娘問她像不像有過度活躍症之類的徵兆呀 (!)
結果現在反被醫生指小惡霸真是好文靜呀，是否父母是但一方都比較靜嗎？(!!)
因為小惡霸整個評估過程都乖乖安坐在我膝上，甚至連吭一聲也沒有，更甭說說話
一年前後，連個性也不一樣了?!
育兒過程實在太有趣 :P
可愛的小朋友，睇小朋友真係大得快！歲半少單字問題不大，可能好快佢就會突然識講好多字。體重有增長係媽媽功勞！繼續加油呀！
回覆刪除係呀小朋友大得好快好快，尤其係諗到過兩年佢讀K1，我哋可以無憂無慮去玩嘅時間原來剩返唔多咋，就更珍惜。謝謝你呀！現在小惡霸吃得越來越多了，真係好開心，你囡囡nursery那邊應該比之前更如魚得水喇係咪呀？
刪除你仲有兩年可以日日對住佢都好！食得叻既小朋友媽媽最開心！我個女算係適應咗nursery，只係朝早放低佢仲會喊，不過佢哋話我哋走咗就收聲，算係咁啦！不過真係會病病病囉！😓
回覆刪除你女女真係好厲害，一歲ja wor。哎病病病真係又心痛又冇得搞，你都係繼續加油！
刪除佢哋話其實越細返nursery 越易適應喎，有啲三四個月開始返完全無適應問題，不過咁細點捨得。小惡霸有你日日陪住真幸福！！
刪除係ga，不過我諗真係一個個人，我見身邊有媽媽大仔 (2.5Y) 已送讀書，細仔剛出世但已考慮緊在他一歲時送上學，咁樣就能換取自己一個上午的空閒時間做自己的事（她有freelance job）。當時我忍唔住插嘴說，咁小朋友困身其實都係呢三兩嘅事，之後佢哋一定正常返學啦，何必急於一時？對方猶豫回應。但我事後諗，其實我咁講只係就自己諗法出發，但每個人考慮嘅同需要嘅都唔同，所以都提醒自己唔好咁多事，唔好用太過主觀嘅語氣去俾意見人
刪除如果係好朋友既提醒下都好事，樣樣都要就住好辛苦。其實細個開始返都有好處，有啲媽媽對住bb真係唔知點同佢玩，反而返學仲多啲人同佢傾計同玩，不過唔係話呢啲媽媽媽唔好，有啲人真係見bb 就頭痕，到佢哋大啲溝通到又好ok. 有時係財政問題，雖然freelance好自由，不過都真係要啲空間，我呢邊有啲朋友工都未搵到都要bb 入nursery, 等佢有時間搵工。都有好多係話要personal space.如果你得閒睇下一個show 叫bringing up baby, 裡面有啲父母真係覺得有小朋友後有freedom 依然好重要。
刪除唔知香港一歲返學係點，係英國nursery 都係玩玩吓就一day, 其實適應左bb現在係真係鍾意係nursery 玩，咁我都放心啲，不過放工都飛到去接佢架